Калі ў мяне запытаюцца, як выглядае дэпрэсія, то я адкажу, што яна выглядае як Расоны. Жыхары гэтага мястэчка, напэўна ж, запярэчаць мне, але я пакуль не сустракаў у Беларусі больш дэпрэсіўнага месца, чым Расоны і Расонскі раён. І пры гэтым я амаль не сустракаў у Беларусі прыгажэйшай прыроды, чым у гэтых краях. Два вялікіх заказнікі - "Чырвоны Бор" і "Сіньша" - гэта тыя месцы, дзе мусіць пабываць кожны з нас. І калі пра Чырвоны Бор мы чуем вельмі часта, то пра "Сіньшу" я і сам не ведаў да гэтай восені. І для мяне гэты глухі куток Беларусі стаў сапраўдным адкрыццём – ён лёгка паспрачаецца па прыгажосці нават з Браслаўскімі азёрамі. Вось крыху здымкаў адтуль. ...