Мірская гара ў Новым Свержні

Цяпер гэта месца трохі схавана сярод забудовы, хаця знаходзіцца зусім побач з трасай Р-54, калі ў Новым Свержні павярнуць з вуліцы Чыгуначнай не налева па вуліцы Мірскόй у кірунку Нясвіжа, а направа ў бок Мірá на старажытны тракт. І літаральна 200 м злева знаходзіцца Мірскáя гара.

Novy Serzhan 12

Мірская гара

Назву Мірская гара атрымала, бо знаходзілася пры старажытным тракту Менск-Мір. Ля гэтай самай гары вуліца, што ішла ад цэнтра мястэчка ўся была забудавала корчмамі і тут бурліла актыўнае жыццё да таго часу, калі ў другой палове ХІХ ст. не прайшла лінія Маскоўска-Брэсцкай чыгункі і тракт паступова заняпаў і пайшоў праз Стоўпцы.

Тым ня менш, шмат стагоддзяў Мірская гара была месцам здабычы пяску і гліны, і дзякуючы ёй у канцы XVI ст. у Новым Свержні з’явіліся выдатныя творы рэнесанснай архітэктуры— каталіцкі касцёл і ўніяцкая царква.

Novy Serzhan 1

Novy Serzhan 2

Касцёл у вёсцы Новы Свержань

Novy Serzhan 3

Царква ў вёсцы Новы Свержань да рамонту

Novy Serzhan 4

 Novy Serzhan 5

Novy Serzhan 6

Таксама існуе легенда, што гліну з гары бралі для вырабу цэглы на будаўніцтва замка ў Міры, які знаходзіцца ў 18 км. У цяперашні час на частку схілаў гары працягваюць выкарыстоўваць у гаспадарчых мэтах. Аднак для падарожнікаў гара з’яўляецца цудоўным месцам, дзе можна трошкі адпачыць і з вышыні 18-20 м над зямлёй агледзіць панараму Новага Свержня з яго архітэктурнымі помнікамі.

Novy Serzhan 10

Панарама

Novy Serzhan 9

Касцёл да рамонту 2018 года

Novy Serzhan 8 Царква

 Novy Serzhan 7

Помнік на правым беразе Нёмана

Тэкст: Зміцер Савельеў

Фота: Зміцер Савельеў і VEDI.BY

Поиск

Copyright ©2018 vedi.by - Design by Top 10 Binary Options